Чиёошома Г.Мөнхсайхан (9:1) жюүрёог тэргүүлэн барилдаж буй бөгөөд өчигдөр учраа бөхөө давснаар нэг ч унаагүй явсан Такерүфүжи өвдөг шороодсон байна. Тэд есөн даваатай башёг тэргүүлж байгаа аж.

Дархан аварга Г.Өсөхбаярын хүү Сэйхакүхо Ө.Дэмиджамц санданмэд, макүшитад улсын гарди Д.Рагчаагийн хүү Асахакүрюү Р.Жамьянтогтох, Кёкүкайюү Ш.Далайбаатар, Казэноүми Ц.Билгүүн, жониданд шинэ залуу Госэйзан Б.Мөнх-Од нар тэргүүлэгчийн эгнээнд яваа бөгөөд зиндаа бүрдээ түрүүлэх боломжоо хадгалж үлдсэн байна.

Сэкивакэ Оносато макүүчиг ганцаараа тэргүүлж байгаа ажээ. Тэргүүлэгчид хоорондоо таарч барилдахад сэкивакэ Киришима Б.Лхагвасүрэн өвдөг шороодож найм, Оносато 10 даваатай башёг үргэлжлүүлж байгаа аж. Оносатогийн араас найман даваатай дөрвөн бөх нэхэж буй юм байна.

Макүүчи
Озэки Хошёорюү С.Бямбасүрэн 6:4
З-С Киришима Б.Лхагвасүрэн 8:2
Б-9 Оошома П.Дэлгэрбаяр 7:3
З-10 Тамаваши Б.Мөнх-Оргил 4:6
Б-10 Рога А.Амарсанаа 5:5
Б-14 Онокацү Б.Чойжилсүрэн 4:6

Жюүрёо
З-1 Чиёошома Г.Мөнхсайхан
З-3 Тамашохо Э.Энхманлай 4:6
Б-7 Миторюү Б.Төрболд 4:6
З-9 Дайшохо Ч.Шижирбаяр 4:6

Макүшита
З-3 Дэванорюү Т.Тэмүүлэн 2:3
З-9 Котокэнрюү Г.Билгүүн 2:3
З-12 Асахакүрюү Р.Жамьянтогтох 4:1
Б-14 Саданохикари Д.Наранцогт 0:5
Б-28 Кёкүкайюү Ш.Далайбаатар 5:0
З- 41 Хокүтомарү Н.Чинзориг 3:2
Б-44 Казэноүми Ц.Билгүүн 4:1
Б-45 Хокүтэнкай Г.Сүхбат 3:2

Санданмэ
Б-28 Сэйхакүхо Ө.Дэмиджамц 4:1
Жонокүчи
З-15 Госэйзан Б.Мөнх-Од 5:0

Н.ЦЭНД