Өнөөдөр баасан гараг . Та энэ долоо хоногийн ажлын өдрийг дуусаад гарах гэж байтал танд нэг И-Меил ирлээ. Гэтэл таны харилцагч 27 хуудас бичиг баримтыг боловсруулахыг хүссэн байв. Энэ үед ямар алхам хийх вэ? Уртаар санаа алдаад цүнхээ бухимдуухан шидэж эргээд ширээндээ суух уу? Яагаад?
Заавал үүнийг өнөөдөр хийх ёстой юу, эсвэл ирэх даваа гараг хүртэл хүлээж болохгүй яаралтай учраас уу? Бүр эелдэг, тусч хүн учраас уу?
Эелдэг байх нь тийм ч буруу зүйл биш . Эелдэг байх гэдэг бол бусдыг анхаардаг, гэр бүлийнхээ өвдсөн хэн нэгнийг асрах, найз нөхдөд тань хүнд хэцүү үед хажууд нь байж дэмжихийг хэлдэг. Харин бизнест эелдэг байна гэдэг бол өөрийгөө гаргуунд гаргахтай адил.
Та бусдад сайхан сэтгэгдэл төрүүлэх гэж хичээхээ болих үед илүү сайхан зүйлс танд тохиолдоно. Яагаад гэж үү?
Та хэзээд хэний ч хэлсэнийг хийхэд бэлэн байдгаа болих үед таныг тэдэнд зориулж цаг гаргахад үнэн утгаараа хүндэлж эхэлнэ. Харилцагчидтайгаа уулзах цаг, уулзахгүй цагаа маш сайн зааглаж түүнийгээ баримтлах хэрэгтэй.
Та өөрийхөө үнэ цэнийг маш сайн мэддэг байх хэрэгтэй. Ингэснээр та бусдад үнэлэмжээ алдахгүй байх юм. Бусдаас өөрийн үнэлэмжинд таарах ажлын хөлсийг нэхэн нь огтхон ч бүдүүлэг зүйл биш. Өөрийнхөө юу чаддагийг маш сайн мэддэг, өөрийн чадварт тохирохуйц, цалингийн нэмэгдэлийг шаарддаг байх хэрэгтэй.
Та эелдэг байх гэж хичээдэг бол юу ч байсан “за” гэж хэлэх болно. Өөрийн сонирхолыг татаагүй зүйлсэд “үгүй” гэж хэлж сурсанаар, хийж байгаа зүйлээ илүү сайн хийх цаг хугацааг үүсгэж байгаа юм.
Өөрт үнэхээр чухал мөчүүддээ л илүү цагийг зарцуул.
Бизнес эрхлэгч хүн бүр л бусдын ажлыг хүндэлдэг, үнэлж чаддаг, харилцан ойлголцоход амар тийм л харилцагчтай байхыг хүсдэг. Ажлын цаг, холбоо барих боломжгүй үе, өөрчлөлтөд хандах хандлага зэргээ анхнаасаа хэлэлцэн тохирсноор харилцагчтайгаа эрүүл ажлын орчинг бүрдүүлж чадах юм. Гэрээг хэрэгжиж эхлэхээс өмнө эдгээр зүйлсийг маш сайн зааглан тогтоосноор, харилцагч тань хүндэтгэлтэй байх болно.
Өөрөө өөрийгөө хайхрахгүй бол хэн ч үүнийг чиний өмнөөс хийхгүй. Өөртөө цаг гаргаж эхлэх үеэс их эрч хүчийг мэдэрч, өөрийн зорилгын зүг тодорхой чигийг харах болно
Оройн 5 цагаас хойш хаягаа шалгахгүй. Хүүхдүүдээ дагуулан амралтанд явж, өөрийн хүссэн бизнесийг эрхэлнэ. Сайхан сэтгэгдэл төрүүлэх гэж хичээхээ болисноор ямар олон зүйлс өөрчлөгддөг байна. Тиймээс бүх зүйлд сайхнаар хандах гэсний хэрэгггүй.
Б.Дэнсмаа
Утасны дугаар: 88843030
Сэтгэгдэл бичих