“100 яруу найрагч-100 эх орны шүлэг” өдөрлөгийг ирэх сарын 4-нд “Миний төрсөн нутаг Монголын сайхан орон” уриатайгаар Үндэсний цэцэрлэгт хүрээлэнд зохион байгуулахаар болжээ. Энэхүү өдөрлөгийг “Залуу зохиолчдын эвлэл”, “Монголын зохиолчдын эвлэл”, “Хязгааргүй дуулал” ТББ –аас санаачлан хэрэгжүүлдэг юм.  Төслийн хүрээнд 2013 онд “100 яруу найрагч-100 хайрын шүлэг” өдөрлөгийг зохион байгуулж  байсан юм. Дэлхийд цор ганц сонгодог хэлбэрээ хадгалан үлдсэн нүүдлийн соёлтой ард түмний соёл, сэтгэлгээний онцлогийг тусган түүх соёлоороо бахархах, байгаль дэлхийгээ хүндлэн дээдлэх, эх орон газар шороогоо хайрлан хамгаалах, бахархан дээдлэх үзлийг залуу үедээ төлөвшүүлэх зорилготойгоор энэхүү өдөрлөг бий болох юм.